Kaibigan.

Sabi nga nila: Lahat ng bagay may oposisyon. May maganda, may panget. May seksi, may mataba. May matalino, at meron namang sadyang matalinaw lang. May maliit, may malaki. May itim, may puti. Madami yan. Ikaw na bahala magdagdag.

Karaniwan nating maiisip kapag narinig natin yung salitang oposisyon e, negatibo. Tipo bang: "Bat pa nauso yang oposisyon na yan?"

Pero nung isang araw. Natuwa lang ako. Kasi masasabi kong di pa din hadlang ang oposisyon sa ibang bagay. May nakita kasi akong magkaibigan, dalawang lalaki mga high school student sa isang prestihyosong paaralan. Umaambon nun at ang may payong ay yung mas maliit. Oo, kasi naman hanggang balikat lang sya nung kaibigan niya. Tapos sya pa yung may hawak nung payong. Pero may narinig ako dun sa usapan nila. Konti lang naman. Di na eksakto dahil nakalimutan ko na pero parang may competition ata sila next week at kasali yung maliit. Basta yun, tutulungan daw sya nung matangkad. Ewan. Ang hirap lang idescribe. O sadyang mababaw lang ako para maintindihan sila.


Sabi ko nga: Sa pagkakaibigan, ano ka man, ano man sila. Kung pare-parehas kayo ng trip anong magagawa ng iba. Maliban nalang kung sinali niyo sila.