Stainless Longganisa.

Kanina, maaga natapos yung natatanging kong subject. Kasabay nito na walang prof yung mga kasama ko tumambay sa canteen. Dahilan para walang mangyari sa amin. Maaga nagkaayaan umuwi, pero ako nag-aalangan dahil 5pm pa trabaho ko. Anong gagawin ko?

Trinoma. Naalala ko kasi may bibilin akong kung ano. Tapos, gaya ng orasyon ko sa tuwing pupunta ako sa mga mall, dadaan ako sa Bookstore. Tapos nagtingin ako ng libro at muling kong natagpuan ang likha ni Bob Ong na Stainless Longganisa. Noong unang beses ko sya nabasa, napangitan ako. Boring. Di katulad ng ABNKKBSNPLAko?! at ng Bakit Baliktad Magbasa Ng Libro Ang Mga Pilipino? Pero dahil sa laki ng pinagbago ko ngayon. Kasi nga bigla akong nagkainteres sa pagbblog. (Salamat sa mga idolo ko. :""">) Binili ko sya. At binasa kong muli. Oo, luma pa yung panahon na yun. Di  pa ganun ka-high tech ng mga kagamitan. Pero magaganda yung mga nakalimbag. Kumbaga nga sa uso e, "All time favorite" Ang mga nakalagay. Muka mang baduy, pero kung iintindihin mo may sense. Nakaklahati ko palang yung libro pero dami ko ng natututunan para maging mas epektibong blogger. Alam ko naman kasi na 95% sa blogs ko e, walang kwenta. Dahil din sa librong ito, mas lalo akong nagkainteres sa pagpapaunlad, di lang ng blog ko kundi pati na din ng sarili ko.


Unti-unti alam ko may improvement na magaganap. Ayoko na naman kasi magsayang ng pera at pagod tapos mapupunta lang sa wala.


Sayang nga yung mga naiisip ko kapag di nakaharap sa computer. Mga ideya na sana ay naibahagi ko. Oo. Tamad kasi ako. Pero masipag ako mag-isip. May naiisip ako na mga magandang bagay, madalas di ako nakaharap sa computer. Tinatamad ako magsulat kaya pag nakalipas ang limang minuto, expired na yung ideya ko. Di ko na maaalala at tuluyan na syang mababaon sa limot.


Masipag naman ako magsulat e. Katunayan, Nabigyan ako ng prof ko ng activity na isulat daw ang biography namin. At di ko na inaasahan na napakahaba ng magagawa ko. Kung di lang nagmamadali yung mga kaklase ko e, baka nakalimang pahina ko. Kaso nakadalawa lang ako. Super short cut.


Ewan ko. Pero hanggang ngayon nag-aalanagan ako. Pero sa tulong ng sarili ko sana magawa ko 'tong mga bagay na ngayon lang sumagi sa isipan ko. Pagsagi na magkakaroon ng malaking marka sa 'kin bilang manunulat.